Baserria, gaur egun gure hotela hartzen duen eraikina, eremu sakratua da euskal herritarrentzat. Etxea baino gehiago da, bertan etxekoak arbasoei lotuta daude eta. Jose Miguel de Barandiaran arkeologo eta antropologoak definitzen duenez, etxea “Lurra eta ostatua, tenplua eta hilerria, euskarri materiala eta senide bateko kide bizi eta hilak biltzen dituen gune bateratu eta sinboloa da”.
Instalazioek armoniaz lotzen dituzte jatorrizko egiturako ehunka urteko material nobleak, eta dekorazio eta atontze garaikide eta funtzionala. Planteamendu zorrotzenei ere erantzun bikaina eskaintzeko behar diren zerbitzuak eskaintzen dituzte. Atsedenerako aretoek nahiz etxearen inguruek irakurtzera eta berba egitera bultzatzen dute, ibilaldia partekatzera, edo hormatxoan jesarrita arratseko eguzkia agurtzera.
Ingurunearekin armonia eta koherentzia bilatzen ditugu, eta ingurumenaren iraunkortasunerako eta pertsonekiko konpromisorako irizpideak barneratu ditugu. Diseinutik hasita, Urune etxe arduratsua da, eta pertsona desgaituak instalazio guztietara iristeko pentsatuta dago. Lehengaietan eta elikagaietan ere arduratsua da, ekoizpen ekologikoko eta bidezko merkataritzako produktuak, bai eta eskualdean bertan ekoiztutakoak ere, lehenesten ditu eta.
