Urune Hotela Enbor Kontsultoreak-en negozio-unitate gisa sortu zen; horregatik, jatorrian, Garapen Zentro moduan eratu zen. Baina laster bilakaera izan zuen eta gaur egun landetxea ere bada; era guztietako bisitarientzat dago zabalik eta bikaintasuna aitortzen zaio, kalitate-estandar oso zorrotzak betetzen dituelako. Jatorrian izan zuen espiritu eta filosofia berari eusten dio: “esperientziak bizitzeko leku bat, hazteko espazio bat”.
Uruneren esperientzia Enbor Kontsultoreak-en esperientzia da. Beraz, gure etxea zabalik dago hala nahi duten erakunde guztientzat. Horrez gain, beste aukera bat eskaintzen dugu, hots, gure lantaldean dauden ibilbide profesional handiko pertsonek prestakuntza eta garapen prozesuak zuzentzea, hazkunde pertsonal eta profesionalaren arloan lan egin dezaten.
Funtsezkoan murgiltzea proposatzen dugu, naturaren erdian ditugun bizipenetatik ikastea, outdoor-training dinamiken bidez, edota coaching saio pertsonalizatuak eta prestakuntza tailerrak eginez.
Urune hoteleko langileok ondo dakigu zein garrantzitsuak diren xehetasunak, nolako eragina duen irribarre batek. Slow mugimenduarekin bat etorriz, gure balioetako bat garatzen dugu: hartu-eman hurbila sortzea hemengo langileon eta munduko edozein tokitatik datozen bezeroen artean. Atsegin ditugu pertsonak eta horiek ezberdinak izatea, atsegin dugu ikastea. Harrotasunez erakusten ditugu gure nortasuna osatzen duten elementuak eta jakin-minez entzuten ditugu bezeroen usadioak, haien gastronomia, haien folklorea… Atseginez hartzen ditugu gure bizitza zatiak eta zuenak elkar trukatzeko aukera dugunean. Badakigu aniztasuna aberastasuna dela eta arreta bereziz lantzen dugu.
