Urune Hotela – Garapenerako Zentroa asmo zehatz bat gauzatzeko asmoz sortu zen: enpresa-antolakundeei ikasteko gune bat eskaintzea, eguneroko eremutik kanpo, ingurune natural paregabean eta horretarako bereziki prestatutako instalazio modernoak eskainiz (prestakuntza-saioak, lan-bilkurak, talde-dinamikak, …).
Baina laster bilakaera izan zuen eta gaur egun landetxea ere bada; era guztietako bisitarientzat dago zabalik eta bikaintasuna aitortzen zaio, kalitate-estandar oso zorrotzak betetzen dituelako. Jatorrian izan zuen espiritu eta filosofia berari eusten dio: “esperientziak bizitzeko leku bat, hazteko espazio bat”.
Uruneren esperientzia Enbor Kontsultoreak-en esperientzia da. Beraz, gure etxea zabalik dago hala nahi duten erakunde guztientzat. Horrez gain, beste aukera bat eskaintzen dugu, hots, gure lantaldean dauden ibilbide profesional handiko pertsonek prestakuntza eta garapen prozesuak zuzentzea, hazkunde pertsonal eta profesionalaren arloan lan egin dezaten.
Funtsezkoan murgiltzea proposatzen dugu, naturaren erdian ditugun bizipenetatik ikastea, outdoor-training dinamiken bidez, edota coaching saio pertsonalizatuak eta prestakuntza tailerrak eginez.
Taldeentzako zerbitzuak:
- Ekitaldiak burutzeko aretoen alokairua
- Erreserba-zerbitzua (ekitaldiak eta ingurunean egiteko jarduerak, jatetxeak)
- Ekitaldi pribatuen kudeaketa (ezkontzak, jaiak, enpresa-ekitaldiak, …)
- Enpresentzako ekitaldien kudeaketa
- Ekitaldi ezberdinetarako catering-a
